Շուշիում ապլիկացիայի մանկական մրցույթ է անցկացվել (լուսանկարներ)

Լեռնային Ղարաբաղի Հանրապետության մշակույթի և երիտասարդության նախարարության և «Նարեկացի» արվեստի միության Շուշիի կենտրոնի համագործակցության շնորհիվ հուլիսի 24-ին կայացել է «Հայրենիք» թեմայով ապլիկացիայի մանկական մրցույթ:

Ըստ Նարեկացի արվեստի միության Շուշիի կենտրոնի մամուլի հաղորդագրության՝ մրցույթը տեղի է ունեցավ ՆԱՄ Շուշիի կենտրոնում և պատկանել է «Հակոբ Գյուրջյան» քանդակագործության միջազգային երկրորդ սիմպոզիումի միջոցառումների շարքին:
 

Մրցույթին մասնակցել են ՆԱՄ Շուշիի կենտրոնի նկարչության և մանրանկարչության դասարաններ հաճախող թվով քսան երեխա:

Մրցույթի ընթացքում թիմային աշխատանքների շրջանակներում արված գործերը կգնահատի սիմպոզիումին մասնակցող քանդակագործներից և նկարիչներից կազմված ժյուրին:

Մրցույթի արդյունքների մասին կհայտարարվի «Հակոբ Գյուրջյան» քանդակագործության միջազգային երկրորդ սիմպոզիումի փակման պաշտոնական արարողության ժամանակ, որը տեղի կունենա հուլիսի 31-ին։