Ջոլիի մասնակցությամբ «Մալեֆիսենտա» ֆիլմը հյուսիսամերիկյան կինովարձույթում 2 օրում 70 մլն դոլար է հավաքել

Հոլիվուդյան հայտնի դերասանուհի Անջելինա Ջոլիի մասնակցությամբ «Մալեֆիսենտա» դիսնեյյան ֆիլմը վստահորեն կարելի է համարել Ջոլիի ամենահաջողված ֆիլմը, քանի որ այն անցած հանգստյան օրերի ընթացքում հյուսիսամերիկյան կինովարձույթում հավաքել է 70 մլն դոլար։

Ինչպես նշում է The Daily Mail-ը, ի տարբերություն Ջոլիի մասնակցությամբ այլ ֆիլմերի՝ այս ցուցանիշը բացարձակ ռեկորդային է դերասանուհու համար։

Disney ընկերության ղեկավարներից մեկը՝ Դեյվ Հոլիսը, նկատել է, որ «Մալեֆիսենտայի» նման հաջողությունը նախևառաջ պայմանավորված է Ջոլիի մասնակցությամբ։
«Նրա հմայքի առջև անզոր են սեռային ու տարիքային սահմանները»,-նշել է Հոլիսը։

Հիշեցնենք, որ ֆիլմի հոլիվուդյան պրեմիերան տեղի է ունեցել մայիսի 28-ին։ Դերասանուհին միջոցառմանը ներկայացել է ամուսնու՝ Բրեդ Փիթի ու երեխաների հետ։