Ֆրանսիացի նկարիչը գերիրական որմնանկարներով կյանքով է լցնում անկենդան շենքերը (լուսանկարներ)

17:07 • 05.06.14

Սթրիթ արտն արվեստի այն ուղղություններից է, որը բավական վիճահարույց է համարվում և ընդունելի է հասարակության ոչ բոլոր շերտերի համար։ Շատերի կարծիքով` գրաֆիտին վանդալիզմի մի դրսևորում է, որի հեղինակներին հարկավոր է պատժել։

Այնուհանդերձ, կան որոշ արվեստագետներ, որոնց աշխատանքները կարող են ստիպել մտափոխվել սթրիթ արտի նույնիսկ ամենավառ ընդդիմախոսներին, գրում է Oddity Central-ը։

Նրանցից մեկն է ֆրանսիացի Պատրիկ Կոմեսին, ում գործերը երբեք չեն դիտվել որպես վանդալիզմ, այլ հակառակը՝ գեղեցկացրել են փողոցների ու բնակելի շենքերի տեսքը։

Կոմեսին իր թիմի հետ գերիրական նկարներ է նկարում շենքերի տաղտուկ մակերևույթին՝ դրանք լցնելով կյանքով։