Prada-ն Վենետիկում կներկայացնի The Art of Sound ցուցադրությունը (լուսանկարներ)

Վենետիկի Ca’ Corner della Regina պատկերասրահում հունիսի 7-ին Prada նորաձևության տան հովանու ներքո իր աշխատանքը կսկսի The Art of Sound ցուցադրությունը, որը, կազմակերպիչների խոսքով, անցյալի և ներկայի «հետաքննություն» է, որում փորձում են հասկանալ և ավելին իմանալ ձայների և արվեստի միջև եղած բարեկամության մասին, ինչպես նաև այն, թե ինչպես են զարգացել դրանք վերջին 5 դարերի ընթացքում, գրում է buro247.ru-ն։

Այդ զարգացմանը հետևելու համար, որոշվել է դիմել երաժշտական գործիքներին, ուսումնասիրել նկարիչ-երաժիշտների դերը և այն ոլորտները, որտեղ տեսողական արվեստը և երաժշտությունը շատ սերտ կապ ունեն միմյանց հետ։

Կներկայացվի ավելի քան 180 նմուշ՝ ժամացույցներ, զանգակներ, երաժշտական ավտոմատներ, նկարներ, նոտաներ, քանդակներ և ամենակարևորը՝ երաժշտական գործիքներ։

Ցուցադրությունը կտևի մինչև 2014թ. նոյեմբերի 3-ը։