Մեքսիկայի լքված տներից մեկում բենգալյան վագր է հայտնաբերվել (լուսանկարներ)
Մեքսիկական Չիլապա դե Ալվարես քաղաքում իրավապահները լքված տներից մեկում իսկական բենգալյան վագր են հայտնաբերել, ինչը շոկի է մատնել իրավապահներին։
Ինչպես նշում է The Daily Mail-ը, ոստիկաններին կանչել են հարևանները, ովքեր բողքել են, որ լքված տնից տարօրինակ ձայներ են գալիս։
Նշվում է, որ գիշատիչը եղել է վանդակի մեջ։ Ներկայում շփոթված իրավապահները փորձում են պարզել, թե ինչպես է բենգալյան վագրը հայտնվել այդ տանը։ Նրանք կարողացել են գտնել տանտիրոջը, սակայն վերջինս ասել է, որ գաղափար չունի կենդանու մասին։












