Թուրքական Բոդրումից դուրս եկած ավտոբուսը վթարի է ենթարկվել. կա 54 վիրավոր

12:21 • 26.07.14

Թուրքական Բոդրում հանգստավայրից դուրս եկած ավտոբուսը վթարի է ենթարկվել, տեղեկացնում է «Հուրրիյեթ» թերթի կայքը:


Ճանապարհատրանսպորտային պատահարի հետևանքով վիրավորվել է 54 մարդ, որոնցից 6-ի վիճակը ծայրահեղ ծանր է:

 

Ավտոբուսը Քայսերի (Կեսարիա) քաղաքի մոտակայքում դուրս է եկել ճանապարհից, մոտ 200 մետր ընթացել է հողածածկ տարածքով, ապա բախվել է այգիներից մեկի պարսպին և շրջվել:

 

Դեպքի վայր են մեկնել շտապօգնության բազմաթիվ մեքենաներ և վիրավորներին տեղափոխել են քաղաքի հիվանդանոցներ:
 

Ըստ նախնական վարկածի՝ վթարի պատճառը եղել է վարորդի անուշադրությունը, ինչի հետևանքով նա կորցրել է վերահսկողությունը: