Սոմալիում սովից կարող է 350,000 մարդ մահանալ. ՄԱԿ

16:57 • 27.07.14

ՄԱԿ-ը հայտարարել է, որ Սոմալիի մայրաքաղաքում սովի պատճառով կարող է 350,000  մարդ մահանալ, հայտնում է  Business Insider-ը: 

Բանն այն է, որ ՄԱԿ-ի այնտեղ աշխատող կառույցները միջոցների պակասություն են զգում:

ՄԱԿ-ը և Սոմալիի իշխանությունները ստեղծված իրավիճակը համեմատել են 2011-ի դրության հետ, երբ սովից  260,000 մարդ էր մահացել այդ երկրում: 

Այժմ վիճակը ավելի են սրում երաշտը, բռնության դեպքերը, որոնք խոչընդոտում են օգնության տեղ հասցնելուն: 

Երկրում իսլամիստները փորձում են իրենց պետականությունը հաստատել: Այս տարի այդ երկրում մարդասիրական օգնություն իրականացնելու համար 933 մլն ԱՄՆ դոլար գումար է հարկավոր, որի միայն չնչին մասն է հաջողվել հավաքել: