ԱՄՆ-ում վթարային վայրէջքի ժամանակ ինքնաթիռը հարվածել է լողափին զբոսնող հորն ու դստերը
ԱՄՆ Ֆլորիդա նահանգի Վենիս քաղաքի օդանավակայանի մոտ մեկ շարժիչ ունեցող Piper Cherokee ինքնաթիռ է կործանվել լողափին, որտեղ զբոսնելիս են եղել մի տաղամարդ և նրա 10-ամյա դուստրը:
Ինչպես տեղեկացնում է Взгляд-ը, տղամարդը տեղում մահացել է, իսկ աղջիկը` հոսպիտալացվել:
Բժիշկները երեխայի առողջական վիճակը ծայրահեղ ծանր են որակում: Ինքնաթիռում գտնված անձինք՝ օդաչուն և ուղևորը, չեն տուժել: Նախնական տեղեկություններով՝ ավիավթարի պատճառը տեխնիկական անսարքությունն է եղել:
Օդաչուն փորձել է վերադառնալ օդանավակայան, սակայն ինքնաթիռը չի հասել այնտեղ, և օդաչուն փորձել է վայրէջք կատարել լողափին:
ԱՄՆ-ի տրանսպորտի անվտանգության ազգային խորհուրդը հայտարարել է միջադեպի քննություն սկսելու մասին:










