Չելյաբինսկի ընկերություններից մեկը զոքանչից ազատվելու ծառայություններ է առաջարկում
Չելյաբինսկի բնակիչները բողոքել են Հակամենաշնորհային ծառայության դաշնային վարչություն (ՀԾԴՎ)՝ զոքանչի վերացման ծառայությունների գովազդի համար, գրում է Лента-ն։
«Компания на 5» ընկերությունն իր կայքում, որը նվիրված է վնասատուների վերացման ծառայություններին, զոքանչներին դասել է առնետների, խավարասերների և այլ միջատների կողքին։
ՀԾԴՎ-ում պատմել են, որ բողոք ներկայացրած տղամարդը զոքանչին միջատների հետ համեմատելը վիրավորական է համարում։ Գերատեսչության մասնագետներն ընդգծում են, որ համաձայն գովազդի մասին օրենքի՝ վիրավորական կերպարների, համեմատությունների և արտահայտությունների օգտագործումն անթույլատրելի է։
Պարզելու համար, թե արդյոք գովազդը վիրավորական է, հակամենաշնորհայինները գերատեսչության պաշտոնական կայքում համապատասխան հարցում են թողարկել, որի արդյունքներով ՀԾԴՎ-ն կարող է ընկերությունից պահանջել հեռացնել կայքի տվյալ բաժինը։










