Ամերիկացի երիտասարդն ուսման վարձը վճարելու համար աճուրդի է հանել Օբամայի նամակը

10:50 • 29.07.14

Բուհի ուսման վարձը վճարելու համար ԱՄՆ-ից ուսանող Ջեսի Գրեյնջերը որոշել է վաճառել նամակը, որը երկրի նախագահ Բարաք Օբաման ուղարկել էր իրեն, տեղեկացնում է Взгляд-ը:

 

Ջեսի Գրեյնջերը համացանցում հուզիչ պատմություն է տեղադրել իր դժվարին ճակատագրի մասին: Նրան որդեգրել են, երբ ընդամենը մեկ օրական էր: Մայրը մահացել է, երբ Ջեսին ընդամենը 13 տարեկան էր և մի քանի տարի մնացել է հյուրընկալող ընտանիքներում, սոցիալական ծառայությունների մոտ:

 

«Ի վերջո, ես պարզապես հոգնեցի հարբեցողների, թմրամոլների և անտուն թափառաշրջիկների հետ ապրելուց և մշտական բռնությունից, ու որոշեցի իմ կյանքն սկսել: Ես գիտեի, որ եթե մնայի այստեղ, ապա կդառնայի այդ միջավայրից մեկը»,-պատմել է նա:

 

Երբ լրացել է 17 տարին, դուրս է եկել տնից՝ վերցնելով անհրաժեշտ հագուստը, գրքերն ու մոր Աստվածաշունչը և գնացել է ճանապարհորդելու:

 

Գրեյնջերն իր կյանքում հանդիպել է բարի և հոգատար մարդկանց, որոնք նրան քոլեջում սովորելու հնարավորություն են տվել: Սակայն երբ Ջեսին համալսարան է ընդունվել, ուսման վարձի խնդիր է առաջացել: Որպեսզի նրա մանկության երազանքը՝ լավ կրթության մասին իրականանա, նա նամակ է գրել Բարաք Օբամային:

 

2011թ.-ին Օբաման պատասխանել է նրան.«Շնորհակալ եմ նամակի և քո հետաքրքիր պատմության համար: Լավագույն խորհուրդը, որ կարող եմ տալ, կրթությունդ ավարտելն է»:

 

Երեք տարի անց նամակը վերջապես պետք է եկել Գրեյնջերին: Այն աճուրդում գնահատել են 9.500 դոլար: