Իսրայելի ռմբակոծության հետևանքով ոչնչացվել է Գազայի միակ էլեկտրակայանը

09:26 • 30.07.14

Իսրայելի օդուժն իրականացրել է Գազայի հատվածի՝ առայսօր ամենաանողոք օդային ռմբակոծումը, ինչի հետևանքով ոչնչացվել է Գազայի միակ էլեկտրակայանը, հայտնում է The Guardian-ը:

 

«Էլեկտրակայանն այլևս չկա»,- ասել է դրա տնօրեն Մոհամմեդ ալ Շարիֆը՝ ընդգծելով, որ Գազայի 1.8 մլն բնակչության համար սա ճգնաժամային նոր իրավիճակի սկիզբն է։ Պաղեստինյան իշխանությունները նշել են, որ իրենցից կպահանջվի առնվազն 1 տարի էլեկտրակայանը վերանորոգելու համար։

 

Այս միջադեպին անդրադարձել է նաև հեղինակավոր Amnesty International իրավապաշտպան կազմակերպությունը՝ նշելով, որ այդպիսով հրեական կողմը որոշել է հավաքական կերպով պատժել բոլոր պաղեստինցիներին։

 

Բրիտանական պարբերականը հավելում է, որ Իսրայելի ռազմական գործողությունների հետևանքով չորեքշաբթի զոհվել է 21 պաղեստինցի, մինչդեռ երեկ զոհերի թիվը գերազանցել է 100-ը։

 

Հայտնի է, որ հուլիսի 8-ին Իսրայելի ու Պաղեստինի միջև վերսկսված հակամարտությանն առայսօր զոհ է գնացել ավելի քան 1.000 մարդ։