Իսրայելը գնդակոծել է Գազայում ՄԱԿ-ի դպրոցը. կա 20 զոհ

09:59 • 30.07.14

Առնվազն 20 պաղեստինցի է զոհվել այս գիշեր, երբ գնդակոծության է ենթարկվել Գազայում ՄԱԿ-ի դպրոցը, հայտնում է «ՌԻԱ Նովոստի»-ն:

 

Ջեբալիյա հյուսիսային քաղաքի դպրոցը, որտեղ տեղի է ունեցել ողբերգությունը, այս շրջանում գործում էր որպես փախստականների ընդունման կետ: 

 

Իսրայելն արդեն 22-րդ օրն է, ինչ ռազմական գործողություններ է իրականացնում Գազայում: Սա արդեն երկրորդ նման միջադեպն է: Մեկ շաբաթ առաջ գնդակոծության էր ենթարկվել Բեյթ Հանունում ՄԱԿ-ի դպրոցը, ինչի հետևանքով մահացել էր 17 մարդ:

 

Այժմ Գազայի տարածքում ՄԱԿ-ի 80 դպրոց 200 հազար փախստականների են պատսպարում:

 

Անցած գիշեր ընդհանուր առմամբ 34 պաղեստինցի է զոհվել: Ամբողջ ընթացքում զոհված պաղեստինցիների թիվը հասել է 1.262-ի: Իսրայելական կողմից 56 մարդ է զոհվել: