Սանդրա Բալոքը գլխավորել է Հոլիվուդի ամենաբարձր վարձատրվող դերասանուհիների ցուցակը (լուսանկարներ)

Ամերիկյան Forbes հանդեսը ներկայացրել է Հոլիվուդի ամենաբարձր վարձատրվող դերասանուհիների ցուցակը։

Դերասանուհիների եկամուտը կազմվում է արտադրությունում գտնվող ֆիլմերից ստացված կանխավճարներից, վարձույթից, հոնորարներից և գովազդային պայմանագրերից։ Ցուցակի վրա աշխատելիս Forbes-ը հարցումներ է արել դերասանուհիների գործակալներից, պրոդյուսերներից և հոլիվուդյան փաստաբաններից։ Հարկերը, գործակալների վճարները և այլ ծախսեր հաշվի չեն առնվել։

Այս տարի ցուցակը գլխավորել է Սանդրա Բալոքը՝ 51 մլն դոլար եկամտով։ Գումարի հիմնական աղբյուրը դարձել է Ալֆոնսո Կուարոնի «Ձգողականություն» ֆիլմը, որը վարձույթում հավաքել է 716 մլն դոլար։

Երկրորդ հորիզոնականում է 23-ամյա Ջենիֆեր Լոուրենսը, ով մեկ տարում վաստակել է 34 մլն դոլար, իսկ 3-րդ տեղում է Ջենիֆեր Էնիսթոնը՝ 31 մլն դոլարով։

1. Սանդրա Բալոք՝ 51 մլն դոլար

2. Ջենիֆեր Լոուրենս՝ 34 մլն դոլար

3. Ջենիֆեր Էնիսթոն՝ 31 մլն դոլար

4. Գվինեթ Փելթրոու՝ 19 մլն դոլար

5. Անջելինա Ջոլի՝ 18 մլն դոլար

6. Քեմերոն Դիազ՝ 18 մլն դոլար

7. Սքարլեթ Յոհանսոն՝ 17 մլն դոլար

8. Էմի Ադամս՝ 13 մլն դոլար

9. Նատալի Պորտման՝ 13 մլն դոլար

10. Քրիստեն Ստյուարտ՝ 12 մլն դոլար