Նիկոլ Քիդմանն ու Ռիզ Ուիզերսփունը համատեղ ֆիլմ կնկարահանեն

Հոլիվուդյան դերասանուհիներ Նիկոլ Քիդմանն ու Ռիզ Ուիզերսփունը ձեռք են բերել Լիան Մորիարտի «Կարևոր անկարևոր սուտ» վեպի էկրանավորման իրավունքը։ Դերասանուհիները ֆիլմում կկատարեն գլխավոր դերերը և հանդես կգան որպես պրոդյուսերներ, գրում է segodnya.ua-ն։

«Սև կատակերգության» սյուժեի կենտրոնում 3 մայրերի պատմություն է, ովքեր ծանոթանում են մանկապարտեզում։ Արտաքինից նրանց կյանքն իդեալական է, սակայն արդյունքում հերոսուհիները հայտնվում են սպանության եզրին։

Քիդմանին է պատկանում Blossom Films պրոդյուսերական կենտրոնը, իսկ Ուիզերսփունին՝ Pacific Standard ընկերությունը։ Դեռևս հայտնի չէ, թե ով կլինի նոր ֆիլմի ռեժիսորը։