Ստավրոպոլի մարզում բաց երկնքի տակ Լև Տոլստոյի անվան ինտերակտիվ թանգարան կբացվի

Ստավրոպոլի մարզի Ժելեզնովոդսկ քաղաքում 2015 թվականի վերջին Լև Տոլստոյի անվան մշակութային կենտրոն կբացվի. ինտերակտիվ բացօթյա թանգարանը մոտ 3000 քմ տարածք կզբաղեցնի: Այս մասին հաղորդում է ИТАР-ТАСС-ը:


Պատմամշակութային կենտրոնի առաջին օբյեկտները փոստային կայանները կլինեն, որոնք կբացվեն այս տարվա նոյեմբերին՝ Տոլստոյի մահվան տարելիցի օրը:


Աղբյուրի տեղեկատվության համաձայն՝ պայմանավորվածություն է ձեռք բերվել Մոսկվայի Լև Տոլստոյի անվան պետական թանգարանի հետ Ստավրոպոլի մարզում թանգարանի մասնաճյուղի բացման վերաբերյալ: Համալիրի վերականգնման աշխատանքների վրա մոտ 100 միլիոն ռուբլի կծախսվի: