Հայտնի դիզայներները ստեղծել են տիկնիկների հագուստներ՝ «Օզ երկրի հրաշագործը» ֆիլմի մոտիվներով (լուսանկարներ)

Բեթսի Ջոնսոն, Աննա Սուի, Դոննա Կարան, Շառլոտ Ռոնսոն և Մարկ Ջեքոբս. այս հայտնի դիզայներները հագուստներ են ստեղծել տիկնիկների համար ՝«Օզ երկրի հրաշագործը» ֆիլմի մոտիվներով։

Հավաքածուն նվիրված է ֆիլմի 75-ամյակին, իսկ աճուրդում տիկնիկների վաճառքից ստացված ողջ հասույթը կտրամադրվի Habitat for Humanity կազմակերպությանը, գրում է nydailynews.com-ը։

Warner Bros. Consumer Products (WBCP) և Tonner Doll ընկերության համատեղ հավաքածուն մինչ սեպտեմբերի 10-ը կցուցադրվի Նյու Յորքում՝ Fashion Institute of Technology-ի թանգարանում։ Այնուհետ տիկնիկները «կուղևորվեն» Մանհեթենի Bloomingdale's ֆիրմային խանութ՝ ցուցադրության, որը կտևի մինչև հոկտեմբերի 9-ը։

Մինչ այդ, բոլոր ցանկացողները կկարողանան սեպտեմբերի 4-14-ը մասնակցել առցանց աճուրդին և գնել տիկնիկները, սակայն դրանք կկարողանան ստանալ միայն Մանհեթենում ցուցադրությունից հետո։