Նիկոլաս Քեյջը ֆիլմ կնկարահանի Ուսամա բեն Լադենի մասին

Ամերիկացի օսկարակիր դերասան, պրոդյուսեր և ռեժիսոր Նիկոլաս Քեյջը մտադիր է ահաբեկիչ Ուսամա բեն Լադենի մասին իր երգիծական ֆիլմի մի մասը նկարահանել Մարոկկոյում, գրում է РИА Новости-ն։

«Մեկի բանակը» (Army of One) ֆիլմում, որը հիմնված է իրական դեպքերի վրա, Քեյջը կկատարի Հերի Ֆոլկների դերը, ով ամերիկացի շինարար է և ինքնուրույն փնտրում է «Ալ- Կաիդա» ահաբեկչական խմբավորման առաջնորդ բեն Լադենին Աֆղանստանում։

Մարոկկոն ամենահայտնի նկարահանման հրապարակներից է արաբական աշխարհում՝ շնորհիվ կայուն, խաղաղ իրավիճակի և լանդշաֆտային բազմազանության։

Army of One ֆիլմը, որի սցենարը հիմնված է GQ ամսագրի հոդվածի վրա, վարձույթում կհայտնվի 2015թ. վերջին։ Ֆիլմի վրա Քեյջն աշխատում է ռեժիսոր Լարի Չառլզի հետ միասին։