Մադամ Տյուսոյի թանգարանում կհայտնվի սելֆի անող Քիմ Քարդաշյանի մոմե արձանը

Լոնդոնյան Մադամ Տյուսոյի    թանգարանում կհայտնվի ամերիկյան հեռուստատեսության իրապատում շոուի աստղ Քիմ Քարդաշյանի մոմե արձանը` սելֆի անելիս:

Ինչպես հաղորդում է  Lenta.ru-ն` հղում անելով Time պարբերականին, քանդակի ձեռքին սմարթֆոն կլինի տեղադրված, որի միջոցով թանգարանի այցելուները կկարողանն սելֆի անել Քարդաշյանի հետ: Պարբերականը չի հստակեցրել, թե արդյոք կկարողանա սելֆիի հեղինակը անմիջապես հրապարակել լուսանկարը սոցցանցերում:

«Երբ մտածում էինք Քիմի արձանի դիրքի մասին, միանգամից ակնհայտ դարձավ, որ նա պետք է սելֆի անի»,- ասել է թանգարանի տնօրեն Էդվարդ Ֆուլլերը:

Ֆոնը Քիմի մոմե արձանի հետևում մշտապես փոփոխվելու է, քանի որ հայտնի է, որ սելֆիների սիրահար հեռուստաաստղը ճիշտ չի  համարում նույն միջավայրում երեքից ավել լուսանկար անելը:

Մոմե արձանը թանգարանում կհայտնվի հուլիսին: Սելֆիների սիրահար Քիմը 35.7 մլն բաժանորդ ունի Instagram-ում, ինչը ամենատարածված էջն է դարձնում այն սոցցանցում: