Եղանակն՝ այսօր
Թուրքիայում ապրող քրդերն ինքնավարություն են պահանջում
Թուրքիայում ապրող քրդերը հռչակագիր են ընդունել, որով կոչ են անում Թուրքիայի իշխանություններին իրենց ինքնավարություն տրամադրել, գրում է Reuters գործակալությունը։
Նշվում է, որ փաստաթուղթն ընդունվել է Քրդերի ազգային ժողովրդավարական կոնգրեսի երկօրյա նիստի արդյունքներով։
Մասնավորապես՝ հռչակագիրը կոչ է անում ստեղծել քրդական ինքնավար մարզեր, որոնք իրենց մեջ կներառեին Դիարբեքիրին հարևան մի քանի շրջաններ՝ հաշվի առնելով դրանց մշակութային, տնտեսական և աշխարհագրական ընդհանրությունները։
«Արդար դիմադրությունը, որը մեր ժողովուրդը ցույց է տալիս քրդերի խնդիրները սրող քաղաքականությանը, տեղական ինքնավարության պահանջ և պայքար է»,- ասված է փաստաթղթում։
Միևնույն ժամանակ, որոշ փորձագետներ կարծում են, որ այդ հայտարարությունը կարող է միայն սրել քրդերի և նրանց անկախության դեմ հանդես եկող թուրքական իշխանության միջև լարվածությունը:
Studio One