Չեչնիայի նախագահը որակում է տվել Թուրքիայի կողմից ռուսաստանյան օդանավի խոցմանը

Չեչնիայի նախագահ Ռամզան Կադիրովը կրկին քննադատության է ենթարկել Թուրքիայի իշխանություններին՝ ռուսաստանյան «Սու24» օդանավի խոցման ֆոնին ծավալած գործողությունների համար:

RBC Daily-ի փոխանցմամբ նա Թուրքիայի կողմից ստորություն է անվանել բուն օդանավի խոցումը՝ վկայակոչելով Ռուսաստանում ապրող 26 մլն մուսուլմաններին:

Կադիրովն ասել է, թե ռուսաստանյան ռազմական օդանավի խոցումը ստորություն է նաև հենց այդ ռուսաստանցի մուսուլմանների նկատմամբ:

Կադիրովն ընդգծել է, որ երբ ինքը հայտարարություններ է արել օդանավի խոցումից հետո, այդկերպ ոչ թե քրիստոնյաներին է պաշտպանել, այլ իր երկիրը: