Երեխաները վերստեղծել են «Օսկար»-ի ներկայացված ֆիլմերից հայտնի տեսարանները (լուսանկարներ)

Վերջին 6 տարիներին Ստորինո ընտանիքը ներկայացնում է «Օսկար» հեղինակավոր մրցանակի թեկնածու ֆիլմերի իր տարբերակը, գրում է buro24.ru-ն:

Մեգի Ստորինոյի խոսքով` իր դուստրերը պարզապես պաշտում են զգեստափոխվել: Վեց տարի առաջ մանկական զվարճանքը Մեգին որոշել է նվիրել «Օսկար» հեղինակավոր կինոմրցանակի հանձնման արարողությանը։ Եվ այդ ժամանակից ի վեր իր Don’t Call Me Oscar բլոգում նա տեղադրում է լուսանկարներ՝ ֆիլմերից տեսարաններով:

Մեգին իր 5-ամյա Սոֆյա և 3-ամյա Սեյդի անուններով դուստրերին հագցրել է «Փրկվածը», «Բրուքլին» և այլ ֆիլմերի հերոսների նմանությամբ։ Իսկ վերջերս նրանց է միացել 8-ամսական Սլոուենը, ում բաժին է հասել Մեթ Դեյմոնի դերը «Մարսեցին» ֆիլմից։

«Բրուքլին»

«Փրկվածը»

«Խելագար Մաքսը. ցասման ուղին»

«Գրանդ Բուդապեշտ» հյուրանոց»

«Ուոլ սթրիթի գայլը»

«Մարսեցին»