Անհրաժեշտ է, որ հեղինակը մահանա, որպեսզի ընթերցողն իր համար բացահայտի ճշմարտությունը. Ումբերտո Էկոյի լավագույն մտքերը

Ումբերտո Էկոն սիրում էր ասել, որ գրելն իր ժամանակավոր աշխատանքն է:

«Ես փիլիսոփա եմ, պատմվածքներ գրում եմ միայն հանգստյան օրերին», - խոստովանում էր իտալացի մտավորականը:

Այնուամենայնիվ նրա վեպերը իրական իրադարձություն էին ընթերցողների շրջանում, որոնք արդեն անցնում են դասական գրականության շարքը: Այս մասին գրում է AdMe.ru-ն` ներկայացնելով փիլիսոփա-գրողի լավագույն մտեքերը:

1. Խոսելով ինչի մասին՝ ասես այն իրական ես դարձնում:

2. Երբ բավարարվում եք կանոններին հետևելով, կորչում է ամեն տեսակի սրությունն ու ոգևորությունը:

3. Շատերը ծնվում են ոչ իրենց աստղի տակ, և մարդավարի ապրելու միակ եղանակը ամեն օր հորոսկոպն ուղղելով սկսելն է:

4. Ամեն մարդ բողոքում է իր պայմաններից: Ով ինչ ունի, դրանից էլ բողոքում է:

5. Ոչինչ այնքան չի քաջալերում վախկոտին, որքան մեկ այլ մարդու վախկոտությունը:

6. Փորձը ցույց է տալիս, որ ոչնչի մասին չզղջացող մարդը ավելի լավը դառնալու ցանկություն չի ունենում:

7. Ոչինչ այնքան խորհելու տեղիք չի տալիս, որքան անհեթեթությունը:

8. Ուրիշի հիմարությունը երբեք չի նվազեցնի քոնը:

9. Մարդիկ չեն սիրում նրանց, ովքեր ստում են մանրուքներում, սակայն աստվածացնում են պոետներին, ովքեր ստում են ամենակարևորի մասին:

10. Կրթված լինել՝ դեռ չի նշանակում խելացի լինել:

11.  Բնությունը գծային չէ, բնությունն անտարբեր է ժամանակի նկատմամբ: Ժամանակն ստեղծել է Արևմուտքը:

12.  Մարդիկ շատ արագ հոգնում են պարզ իրողություններից:

13.   Լուռ ու համեստ եղեք, քանի դեռ չի եկել խոսելու ժամանակը, բայց երբ սկսեք խոսել, խոսեք վստահ և հպարտ:

14.  Երբեմն բավական է մի քանի անիմաստ բառեր ասել`  պատմության մեջ մտնելու համար:

15.  Անհրաժեշտ է, որ հեղինակը մահանա, որպեսզի ընթերցողն իր համար բացահայտի ճշմարտությունը: