Կաննի կինոփառատոնը կբացվի Վուդի Ալենի նոր ֆիլմով

Կաննի 69-րդ կինոփառատոնը կբացվի ռեժիսոր Վուդի Ալենի նոր ֆիլմով, հաղորդում է The Hollywood Reporter-ը:

Café Society ֆիլմը կցուցադրվի մայիսի 11-ին՝ արտամրցութային ծրագրի շրջանակում։

Ֆիլմում նկարահանվել է Քրիստեն Սթյուարտը, Ջեսի Այզենբերգը, Բլեյք Լայվլին, Փարկեր Պոուզին, Սթիվ Քարելը:

Ֆիլմի գործողությունները զարգանում են 1930-ական թվականներին: Սյուժեի համաձայն՝ Այզենբերգի հերոսը ժամանում է Հոլիվուդ՝ հույս ունենալով աշխատանք գտնել կինոոլորտում։

Café Society-ն կդառնա Կաննի կինոփառատոնում ցուցադրված Ալենի 14-րդ ֆիլմը։