Լոնդոնի ամենահին լուսանկարը հանրային ցուցադրության է ներկայացվել

Բրիտանիայի մայրաքաղաքի բոլոր հայտնի լուսանկարներից ամենահինը հանրային ցուցադրության է ներկայացվել Սոմերսեթ-Հաուս մշակութային կենտրոնում:

Ինչպես նշում է Euromag-ը` ցուցահանդեսի այցելուները կկարողանան ձեռք բերել հազվագյուտ լուսանկարը` 32 500 եվրոյով: Ինչպես ենթադրում են մասնագետները` լուսանկարը թվագրվում է 1840-ականների վերջին: Խոսքը դագերոտիպի մասին է, լուսանկար, որն պատկերվում էր միակ օրինակով` արծաթի շերտով ծածկված պղնձե թիթեղների վրա:

Արդեն իսկ պատրաստի պատկերներով թիթեղները տեղադրվում էին հերմետիկ փակված ապակիով շրջանակների մեջ:

Այս մեթոդը 1830-ականների վերջին հնարել է ֆրանսիացի Լուի Դագերը, ում անունով էլ այն անվանվել է: