Եղանակն՝ այսօր
Նախագահը շնորհավորել է ՀՀ ժողովրդական նկարիչ Անատոլի Գրիգորյանին՝ ծննդյան 75-ամյակի առթիվ
15:07 • 04.06.16
Նախագահ Սերժ Սարգսյանն այսօր շնորհավորական հեռագիր է հղել Հայաստանի Հանրապետության ժողովրդական նկարիչ Անատոլի Գրիգորյանին՝ ծննդյան 75-րդ տարեդարձի առթիվ, այս մասին տեղեկացնում է ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունը։
«Անուրանալի է Ձեր վաստակը հայ կերպարվեստի, մասնավորապես՝ գեղանկարչության ավանդույթների պահպանման և զարգացման գործում: Առանձնահատուկ նրբաճաշակությամբ և բանաստեղծականությամբ Դուք կարողանում եք կյանքի պարզ և առօրեական դրվագները ներկայացնել պայծառ լավատեսությամբ: Գնահատելի է նաև Ձեր մանկավարժական գործունեությունը:
Մաղթում եմ Ձեզ քաջառողջություն և ստեղծագործական նոր ձեռքբերումներ»,-ասված է ՀՀ Նախագահի շնորհավորական հեռագրում:
Placeholder
Studio One