Լոնդոնում Հովհաննես Այվազովսկու կտավը վաճառվել է մոտ 195.000 ֆունտ սթերլինգով

Լոնդոնում կայացած Christie’s-ի աճուրդում Հովհաննես Այվազովսկու «Օսմանյան սրճարանը լուսնի լույսի տակ» կտավը վաճառվել է 194.500 ֆունտ սթերլինգով, գրում է РИА Новости-ն` հղում անելով աճուրդի տան կազմակերպիչներին:

Նկարչի 2 այլ աշխատանքներ վաճառվել են 158.500 և 110.500 ֆունտ սթերլինգով:

«Christie’s-ի ռուսական գեղանկարչության վաճառքի առաջին շրջանի արդյունքների հիման վրա ձեռք է բերվել 1.9 մլն ֆունտ սթերլինգ: Գլխավոր նմուշը դարձել է Հովհաննես Այվազովսկու կտավը, որը վաճառվել է 195.000 ֆունտով»,- նշել է ներկայացուցիչը: