Շվեդական կենդանաբանական այգում վագրակատվի զույգ ձագեր են լույս աշխարհ եկել
Շվեդիայի Բուրոս քաղաքի կենդանաբանական այգում վագրակատվի զույգ ձագեր են լույս աշխարհ եկել: Նորածին գազանիկներին անվանակոչել են Թոմաս և Թուլուզ:
Ինչպես տեղեկացնում է The Local-ը, կենդանաբանական այգու ղեկավարությունը հույս ունի նրանց օգնությամբ ավելի շատ այցելուների գրավել այս ամառ:
Զույգ վագրակատուների ծնունդը, որը տեղի է ունեցել հունիսի 20-ին, արտասովոր երևույթ է համարվում, քանի որ էգ վագրակատուները էությամբ միայնակ կենդանիներ են, և շատ բարդ է ստիպել նրանց բազմանալ:
Վայրի բնության մեջ տեսակի պահպանման ծրագրերը բավականին հաջող են զարգանում, իսկ վագրակատուների բազմացումն անազատության մեջ չափազանց հազվագյուտ երևույթ է:










