Նովոսիբիրսկում ապահերմետիկացման ցուցիչի ակտիվացման պատճառով ինքնաթիռ է վայրէջք կատարել
Տարանցիկ չվերթով Շանհայից Կոպենհագեն ուղևորվող SAS (Սկանդինավյան Ավիաուղիներ) ավիաընկերության մարդատար ինքնաթիռն ապահերմետիկացման ցուցիչի միանալու պատճառով Նովոսիբիրսկի օդանավակայանում վթարային վայրէջք է կատարել։
Տարածաշրջանի արտակարգ իրավիճակների ծառայությունից РИА Новости-ին հայտնել են, որ ինքնաթիռը բարեհաջող վայրէջք է կատարել «Տոլմաչյովո» օդանավակայանում և տուժածներ չկան։
Արտակարգ իրավիճակների ծառայության աշխատակցի խոսքերով՝ օդանավում գտնվում էին 256 ուղևոր և անձնակազմի անդամներ։
Հաղորդվում է, որ միջադեպի պատճառներն անհրաժեշտ է ավիաընկերությունից պարզել։










