Հայը հային պատանդ պահելով հարց չենք լուծի. Կոմիտաս վարդապետը զինված խմբի քայլերի մասին

12:52 • 17.07.16

 

«Սասնա ծռեր» ջոկատի անդամների կողմից ՀՀ ոստիկանության պարեկապահակային ծառայության գնդի տարածք մուտք գործելու փաստը Կոմիտաս վարդապետ Հովնանյանի մոտ առաջացրել է մի շարք հարցականներ:

Tert.am-ի հետ զրույցում հոգևորականն ասաց. «Հայը հային պատանդ պահելով, հայը` հայ ոստիկանին, մենք հարց պիտի լուծե՞նք:  Եվ հանկարծ կամ ոստիկանները գլուխ բարձրացրեցին, կամ դա անողները ու հայի արյուն թափվեց, հետո՞,  ու՞ր ենք հասնելու: Այսինքն` սահմանը  փոխադրում ենք նե՞րս, սահմանային սպանությունները տեղափոխում ենք հայը հայի սպանության հարթակ:  Եվ իմ համար այդ քայլը համոզիչ չէ»:


Հիշեցնենք, որ  այսօր առավոտյան «Հիմնադիր խորհրդարանին» հարող  «Սասնա ծռեր»  ջոկատի մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահում են այնտեղ գտնվող անձանց։  Նրանց հետ   վարվում են բանակցություններ՝ ՀՀ իշխանություններին նրանց խաղաղ հանձնվելը կազմակերպելու համար: