Բելգիայի արվեստաբանները բացահայտել են՝ ինչի հետք է Մունկի «Ճիչ» կտավի վրա (լուսանկարներ)

Բելգիայի Անտվերպենի համալսարանի արվեստաբանները բացահայտել են Էդվարդ Մունկի «Ճիչ» կտավի ամենավաղ ու հայտնի տարբերակի գաղտնիքը, հաղորդում է Mirror-ը:

Արվեստաբանները պարզել են, որ կտավի կենտրոնական կերպարի աջ ուսի մոտ գտնվող սպիտակ բիծը մոմի հետք է: Ենթադրաբար այն կաթել է կտավի վրա Մունկի արվեստանոցը լուսավորող մոմերից:

Նշվում է, որ բծի բնույթը բացահայտվել է ռենտգենաֆլուորեսցենտային վերլուծության միջոցով: Ավելի վաղ գիտնականները ենթադրել են, որ բիծը թռչունների ծերտի հետք է: