Դիարբեքիրի հայկական կաթոլիկ եկեղեցին կվերակառուցվի

Դիարբեքիրի հայկական կաթոլիկ եկեղեցին կվերակառուցվի, գրում է Ստամբուլի հայ համայնքի թերթերից «Ակօսը»: 


Դիարբեքիրի կաթոլիկ եկեղեցին գտնվում է քաղաքի հին թաղամասում՝ Սուրում, և զգալիորեն տուժել է անցյալ տարվա սեպտեմբերից Սուրում սկսված ռազմական գործողությունների հետևանքով: 


Նախատեսվում է, որ եկեղեցու վերակառուցումը կավարտվի 2018թ.-ին: Եկեղեցին պատկանում է Թուրքիայի հիմնադրամների գլխավոր տնօրինությանը, որն էլ նախաձեռնել է վերակառուցումը: 


Ի դեպ, Դիարբեքիրի պատմական Սուր թաղամասում ռազմական գործողությունների ընթացքում ավերված շինությունների թիվը, ըստ Մարդու իրավունքների պաշտպանության Դիարբեքիրի գրասենյակի, 1.277 է: Ավերված կառույցների թվում կան նաև հայկական շինություններ։ 


Հիշեցնենք, որ Սուրում թուրքական հատուկ ուժերի գործողությունները սկսվել էին 2015թ.-ի սեպտեմբերի 6-ին և ավարտվել 2016թ.-ի մարտի 10-ին: