Կանադայի վարչապետը կոմիքսների սուպերհերոս է դարձել (լուսանկար)

Կանադայի վարչապետ Ջասթին Տրյուդոն հանրահայտ Marvel կոմիքսային ամսագրի նոր հերոսն է դարձել՝ ներկայանալով սուպերհերոսի կերպարով:

Ինչպես նշում է Al Arabiya-ն, Կանադայի ազգային դրոշի գույներով շապիկ ու բռնցքամարտի ձեռնոցներ հագած վարչապետը հայտնվել է Marvel-ի նոր ամսագրի շապիկին, իսկ ներսում տպագրվել է նրա մասնակցությամբ արկածային կոմիքս:

Ուշագրավ կոմիքսում 44-ամյա վարչապետին շրջապատել են այլ հայտնի սուպերհերոսներ:

Աղբյուրը մանրամասնում է, որ Տրյուդոյի հայրը՝ Պիեռը, ով եղել է Կանադայի նախկին վարչապետը, 1979թ. ևս հայտնվել է Marvel-ում՝ սուպերհերոսի դերում: