Եղանակն՝ այսօր
Նատալյա Օրեյրոն և Ֆակունդո Արանան «վերամիավորվել» են նոր ֆիլմի պրեմիերայի կապակցությամբ (լուսանկարներ)
Արգենտինական հեռուստասերիալների աստղ Նատալյա Օրեյրոյի յուրաքանչյուր հրապարակային ելույթ գրավում է ԶԼՄ-ների ու բազմաթիվ երկրպագուների ուշադրությունը:
Ինչպես նշում է elle.ru-ն, օրերս գեղեցկադեմ դերասանուհին, ով առավելապես ճանաչում է ձեռք բերել «Վայրի հրեշտակ» սերիալի շնորհիվ, ներկա է եղել իր մասնակցությամբ նոր ֆիլմի («Ջիլդա. Ես չեմ ափսոսում այս սիրո համար») պրեմիերային:
Օրեյրոն միջոցառմանը ներկայացել է իր նրբակազմությունն ընդգծող բաց երկնագույն էլեգանտ զգեստով, որն ավելի արտահայտիչ է դարձրել նրա կանացիությունը:
Հետաքրքրական է, որ նշանակալի իրադարձության կապակցությամբ Օրեյրոյին աջակցելու է եկել «Վայրի հրեշտակում» նրա խաղընկեր Ֆակունդո Արանան:
Նշվում է, որ չքնաղ արգենտինուհին պրեմիերային ներկայացել է ամուսնու՝ 58-ամյա երաժիշտ Ռիկարդո Մոլյոյի հետ:
Studio One