Մահացել է «8-րդ մղոն» ֆիլմի ռեժիսոր Քյորթիս Հենսոնը

Լոս Անջելեսում 71 տարեկանում կյանքից հեռացել է հոլիվուդյան հայտնիր ռեժիսոր Քյորթիս Հենսոնը, ում նկարահանած ֆիլմերի շարքում է ռեփեր Էմինեմի մասնակցությամբ «8-րդ մղոն» կինոնկարը:

Ինչպես նշում է gazeta.ru-ն, Լոս Անջելեսի ոստիկանությանը հղումով, ռեժիսորը մահացել է բնական պատճառներով: Նրա դին հայտնաբերվել է  Հոլիվուդում գտնվող իր տանը:

Աղբյուրը մանրամասնում է, որ ռեժիսորի դերում Հենսոնի դեբյուտը կայացել է «Քաղցր սպանություն» ֆիլմի շրջանակում:

1990-ականներին նա նկարահանել է մի քանի հաջողված ֆիլմ, որոնցից մեկը՝  «Լոս Անջելեսի գաղտնիքները», 9 տարբեր անվանակարգերում հեղինակավոր  «Օսկար» մրցանակի է առաջադրվել՝ հաղթելով դրանցից 2-ում: