Ռոբի Ուիլյամսն իր նոր տեսահոլովակում ռուս օլիգարխ է «դարձել» (տեսանյութ)
Բրիտանացի երգիչ Ռոբի Ուիլյամսն իր նոր`Heavy Entertainment Show ալբոմի Party Like a Russian երգի տեսահոլովակում ռուս օլիգարխ է «դարձել», հաղորդում է Entertainment.ie-ն:
Երգը կոչվում է Party Like a Russian, և տեսահոլովակում Ուիլյամսը երգում է բալետի պարուհիների ուղեկցությամբ, փորձում ռուսական խոհանոցի ուտեստներն ու ռուսերենով գոռում «Спасибо» («Շնորհակալություն»):
Նշվում է, որ Ռոբի Ուիլյամսի երգում օգտագործվում է հատված ռուս կոմպոզիտոր Սերգեյ Պրոկոֆևի «Ռոմեո և Ջուլիեթ»-ից:
Երգիչն իր Twitter-ում պարզաբանել է, որ իր նոր երգը «հաստատ» Ռուսաստանի նախագահ Վլադիմիր Պուտինի մասին չէ:
Տեսանյութը կարող եք դիտել այստեղ:










