Իրանում հեղափոխությունից ի վեր 1-ին անգամ ելույթ կունենա էլեկտրոնային փոփ երաժշտության ժանրում հանդես եկող արևմտյան խումբ

Գերմանական Schiller խումբը կդառնա էլեկտրոնային փոփ երաժշտության ժանրում առաջին արևմտյան երաժշտական խումբը, որը համերգներ կտա Իրանում՝ 1979 թվականին տեղի ունեցած իսլամական հեղափոխությունից ի վեր առաջին անգամ, գրում է РИА Новости գործակալությունը:

Հայտնի է, որ խումբը Թեհրանում դեկտեմբերի 11-15-ն ընկած ժամանակահատվածում կտա 5 համերգ։ Իրանական լրատվամիջոցներն արդեն հայտնել են դեկտեմբերի 11-ի և 12-ի համերգների տոմսերի ամբողջությամբ սպառված լինելու մասին:

Նշենք, որ իսլամական հեղափոխությունից հետո Իրանում երկար տարիներ արգելված է եղել արևմտյան երաժշտություն լսելը: