Եղանակն՝ այսօր
Իրանում Մեծ Բրիտանիայի դեսպանը կանչվել է ԱԳՆ՝ Լոնդոնում իրանական դեսպանատան վրա հարձակման առնչությամբ
Իրանի ԱԳՆ է կանչվել Մեծ Բրիտանիայի դեսպանը՝ կապված Լոնդոնում իրանական դեսպանատան տարածքում ծայրահեղականների կազմակերպած բողոքի ցույցի հետ: Այս մասին հայտնում է Press TV-ն:
Այսօր ավելի վաղ հաղորդվում էր, որ բրիտանական ոստիկանությունը 4 մարդու է ձերբակալել իրանական դեսպանատան պատշգամբում բողոքի ցույց իրականցնելու համար:
Մեծ Բրիտանիայում Իրանի դեսպան Համիդ Բաիդինեժադը հաստատել է, որ դեսպանատան վրա հարձակում է իրականացվել: Ըստ իրանական աղբյուրների՝ դեսպանը նշել է, որ շենք ներխուժած անձինք զինված են եղել փայտե մահակներով ու դանակներով: Դեսպանի կարծիքով՝ իրավախախտներն այսպես կոչված՝ «բրիտանական շիաներ» աղանդավորական միության անդամներ են:
«Ծայրահեղական կրոնական խմբավորումների հետ առնչություն ունեցող մի շարք անձանց կողմից Լոնդոնում Իրանի Իսլամական Հանրապետության դեսպանատան վրա իրականացված հարձակումից հետո շաբաթ երկրի դեսպանը կանչվել է Իրանի ԱԳՆ», - հայտնել է իրանական արտաքին քաղաքկանության գերատեսչության պաշտոնական ներկայացուցիչ Բահրամ Քասեմին:
Studio One