Հայտնվել է Վորոնեժի մարզում Երևան-Մոսկվա ավտոբուսի ՃՏՊ-ի հետևանքների տեսանյութը
«ՌԻԱ Վորոնեժ» լրատվամիջոցի թղթակիցները երեքշաբթի՝ մարտի 20-ին, դեպքի վայրից Երևան-Մոսկվա ավտոբուսի և բեռնատարի հետ տեղի ունեցած վթարի հետևանքների տեսանյութ են նկարահանել:
Տեսանյութի կադրերում երևում են ճանապարհի վրա ընկած իրերը, վնասված ճանապարհային պատնեշը և վթարի հետևանքով վնասված տրանսպորտային միջոցը:
Ավտոբուսի գրեթե բոլոր ապակիները կոտրված են, դիմային հատվածը լուրջ վնասված է:
Հիշեցնենք, որ ՀՀ արտակարգ իրավիճակների նախարարություն մարտի 20-ին՝ ժամը 10:57-ին տեղեկություն է ստացվել, որ ժամը 09:00-ի սահմաններում Մ-4 «Դոն» միջպետական ավտոճանապարհի 673-րդ կիլոմետրին տեղի է ունեցել ՃՏՊ, բախվել են «Mercedes» մակնիշի 308 AF 61 պետհամարանիշով ավտոբուսը և բեռնատարը, ինչի հետևանքով երկու մարդ է զոհվել:
Ավտոբուսի ուղևոր՝ 1978 թ. ծնված Ա.Դ. Սուքիասյանը և բեռնատարի վարորդը (1961 թ. ծնված Ն. Սիոնին) տեղում մահացել են:
Վարորդները և ուղևորներ՝ 1969 թ. ծնված Դավիթ Սարդարյանը, 1988 թ. ծնված Մելիք Հայրապետյանը, 1982 թ. ծնված Եղիշե Համբարձումյանը, 1964 թ. ծնված Արմեն Մուրադյանը, 1961 թ. ծնված Վարյա Օհանյանը, 1969 թ. ծնված Դավիթ Վերմիշյանը և 1972 թ. ծնված Վազգեն Գևորգյանը հոսպիտալացվել են Պավլովսկ քաղաքի հիվանդանոց, որտեղ Դ. Սարդարյանի, Մ. Հայրապետյանի, Տ. Բաբախանյանի և Ե. Համբարձումյանի առողջական վիճակը բժիշկները գնահատել են ծանր, իսկ մյուսներինը՝ միջին ծանրության:
Տեսանյութը կարող եք դիտել այստեղ:










