Մեծ Բրիտանիայում ՌԴ դեսպանը պատմել է երկրում ռուս գործարարների դժվարությունների մասին

18:40 • 22.03.18

Ռուս գործարարները Մեծ Բրիտանիայում բախվում են ավելի ու ավելի շատ սահմանափակումների, դեսպանատունը խորհուրդ է տալիս խնդիրները լուծել դատարանում: Այդ մասին հայտարարել է Մեծ Բրիտանիայում ՌԴ դեսպան Ալեքսանդր Յակովենկոն, հաղորդում է «ՌԻԱ Նովոստի»-ն:

«Ռուսաստանի քաղաքացիները, ձեռնարկատերերը, նրանք լուծում են իրենց խնդիրները: Մենք Մեծ Բրիտանիայում նրանց գործունեության համար ավելի ու ավելի շատ սահմանափակումներ ենք տեսնում: Նրանք մտահոգված են, ոմանք՝ վախեցած»,- ասել է դեսպանը` Մոսկվայի և Լոնդոնի հարաբերությունների սրացման ֆոնին տված ճեպազրույցի ժամանակ:

«Միակ խորհուրդը, որ մենք տալիս ենք, հետևյալն է.  հենց ձեզ մոտ լուրջ խնդիրներ առաջանան բիզնեսում, դիմեք դատարաններ, խնդիրները լուծեք այնտեղ»,- նշել է նա: