Դուբլինի հյուրանոցներից մեկում հրդեհ է բռնկվել (լուսանկարներ, տեսանյութ)
Իռլանդիայի մայրաքաղաք Դուբլինի Բալիմուն թաղամասում գտնվող Metro Hotel հյուրանոցի վերևի հարկերում չորեքշաբթի՝ տեղական ժամանակով ժամը 20։00-ի սահմաններում, հրդեհ է բռնկվել։ Այս մասին հայտնում է BBC News-ը։
Դեպքի վայրից լուսանկարներ ու տեսանյութ է հրապարակել The Sun-ը։
Աղբյուրը մանրամասնում է, որ հյուրանոցը գտնվում է Դուբլինի օդանավակայանի մոտակայքում։ Հրդեհի բռնկման պահին այնտեղ եղել է մոտ 150 հյուր։ Ականատեսներից մեկի խոսքով՝ «հրդեհը կարող է տարածված լինել առնվազն հինգ հարկում»։ Նա նաև նշել է, որ հրդեհը բռնկվել է հյուրանոցի 13-րդ հարկում՝ իր սենյակի հարևան համարում։
Նշվում է, որ դեպքի վայր են ուղարկվել 8 հրշեջ մեքենա և բուժաշխատողներ։ Մահացածների և տուժածների մասին տեղեկություններ դեռ չեն հաղորդվել։








Տեսանյութը կարող եք դիտել այստեղ։










