«Վանաձոր» ՔԿՀ աշխատակիցը փորձել է բուսական զանգվածով լցված փաթեթներ փոխանցել դատապարտյալին

11:45 • 23.03.18

Մարտի 22-ին՝ ժամը 12:30-ի սահմաններում, ՀՀ ԱՆ «Վանաձոր» քրեակատարողական հիմնարկի աշխատակիցները, օպերատիվ տվյալներն իրացնելով, լվացքատան մուտքի մոտ գտնվող աղբարկղից հայտնաբերել են պոլիէթիլենային փաթեթ, որում առկա էր 7000 ՀՀ դրամ և դեղնականաչավուն, մանրեցված, բուսական զանգվածով լցված 6 փաթեթ, յուրաքանչյուրը՝ 4 գրամ քաշով:

Այս մասին հայտնում են ՀՀ ԱՆ ՔԿՎ հանրային կապերի բաժնից։

Ձեռնարկված միջոցառումների շնորհիվ հիմնավորվել է, որ փաթեթը բնակելի գոտու տարածք է անցկացրել հիմնարկի պայմանագրային աշխատակիցներից մեկը՝ դատապարտյալ Վ. Ս-ին փոխանցելու նպատակով:

Հայտնաբերվածներն ուղարկվել են դատաքիմիական փորձաքննության: Կատարվում է հետաքննություն: