«Վրիժառուները. Վերջնախաղ» ֆիլմը սկսել է իր «օսկարյան արշավը», սակայն դերասանական կազմից ոչ ոք չի հավակնում մրցանակի. Daily Mail

12:46 • 04.10.19

Հոլիվուդյան «Վրիժառուները. Վերջնախաղ» ֆիլմը ներկայում տարվա ամենաշահութաբեր ֆիլմն է՝ ինչպես երկրի ներսում (858,3 մլն դոլար), այնպես էլ ամբողջ աշխարհում (2,796 մլրդ դոլար), և այժմ այն սկսում է իր «օսկարյան արշավը», գրում է Daily Mail-ը:

For Your Consideration կայքից հետևում է, որ Disney ստուդիան ֆիլմն արդեն ներկայացրել է «Օսկար» մրցանակաբաշխության ավելի քան 12 անվանակարգերում, ներառյալ՝ «Լավագույն ֆիլմ», «Լավագույն ռեժիսոր» և «Լավագույն սցենար», սակայն, ի զարմանս երկրպագուների և կինոսերների, դերասանական կազմից ոչ ոք, նույնիսկ՝ Ռոբերտ Դաունի կրտսերը դերասանական փայլուն խաղի համար չի հավակնում մրցանակի, գրում է աղբյուրը:

Հաշվի առնելով երեք ժամ տևողությամբ ֆիլմում դերասանների փայլուն խաղը՝ «Լավագույն դերասան/ դերասանուհի» անվանակարգերում չառաջադրվելն աղբյուրը բացատրում է ֆիլմի դերասանական մեծ կազմով, որը դժվարեցնում է կոնկրետ դերասանական խաղի առանձնացումը:

Աղբյուրը նաև չի բացառում, որ ֆիլմի անվանակարգերում կարող են փոփոխություններ և ավելացումներ տեղի ունենալ:

Նշված անվանակարգերից բացի, «Վրիժառուները. Վերջնախաղ»-ը կմրցի նաև «Լավագույն կինեմատոգրաֆիա», «Հագուստի լավագույն ձևավորում» և այլ անվանակարգերում:

Marvel-ի կոմիքսների սուպերհերոսների խմբի՝ վրիժառուների մասին «Վրիժառուները. Վերջնախաղ» էկրանավորման պրեմիերան կայացել է 2019 թվականի ապրիլի 26-ին:

No acting awards: Disney is putting Avengers: Endgame in contention for awards in 12 categories, but no acting consideration, even for MCU mainstay Robert Downey Jr. as Iron Man

Box office hit: Avengers: Endgame shattered the opening weekend box office record when debuted with $357.1 million in late April

For Your Consideration: Unlike the Avengers: Endgame website, the For Your Consideration sites for other sites doesn't reveal what specific awards each movie is up for