«Ընկերները» սերիալի աստղերը «կվերամիավորվեն» HBO Max սթրիմինգային ծառայության եթերում. Hollywood Reporter

13:20 • 13.11.19

Բոլոր ժամանակների սիրված «Ընկերները» հեռուստասերիալի սցենարիստները և դերասաններն ակտիվորեն քննարկում են HBO Max նոր սթրիմինգային ծառայության եթերում որևէ նախագծի շրջանակում վերամիավորումը, գրում է Hollywood Reporter-ը:

Hollywood Reporter-ի աղբյուների տվյալներով՝ նախագծի համար դեռևս սցենար չի գրվել, սակայն այն կմիավորի «Ընկերները» սերիալի նախկին աստղերին՝ Ջենիֆեր Էնիսթոնին, Քորթնի Քոքսին, Լիզա Քուդրոուին, Մեթ Լեբլանին, Դևիդ Շվիմերին, Մեթյու Փերիին:

Աղբյուրի հաղորդմամբ՝ նախագծի շուրջ վերամիավորման քննարկումները գրեթե ավարտին են մոտեցել և պայմանավորվածություն է ձեռք բերվել դերասանների, սթրիմինգային ծառայության և սցենարիստների միջև:

Ավելի վաղ Ջենիֆեր Էնիսթոնը «Էլեն շոուի»-ի ընթացքում խոստովանել էր, որ «Ընկերները» սերիալի իր ընկերների հետ «աշխատում են համատեղ նախագծի վրա»: Թեև դերասանուհին չէր մանրամասնել նախագծի էությունը:

«Շատ ենք ցանկանում համատեղ որևէ բանով հանդես գալ, միայն թե դեռ չգիտենք՝ ինչ է լինելու, բայց փորձում ենք, աշխատում ենք դրա շուրջ»,- հայտնել էր դերասանուհին:

«Ընկերները» հեռուստասերլիալն այս տարի տոնել է իր 25-ամյակը:

Մանհեթենից վեց երիտասարդ ընկերների մասին պատմող հեռուստասերիալը ցուցադրվել է ավելի քան 54 երկրում: Սերիալի նկարահանումները տեղի են ունեցել Warner Bros. ընկերության՝ Բըրբենք քաղաքում տեղակայված ստուդիաներում։

Հեռուստասերիալը պատմում է ինքնուսույց երաժիշտ Ֆիբիի, հաջողակ, բայց զգացմունքային Ռոսի, ինքնաբավ, հմայիչ շեֆ-խոհարար Մոնիկայի, կանանց խենթահան անող Ջոուիի, նորաձևության էնտուզիաստ Ռեյչելի և հեգնական ու հավերժ միայնակ Չենդլերի մասին:

Image result for Friends' Reunion Special in the Works at HBO Max (Exclusive)