Բիրմինգհեմի փողոցներից մեկում հայտնվել է Բենքսիի սուրբծննդյան գրաֆիտին (տեսանյութ)

Սթրիթ արտի հայտնի վարպետ Բենքսիի սուրբծննդյան գրաֆիտին հայտնվել է բրիտանական Բրմինգհեմ քաղաքում: Այս մասին նկարիչը տեղեկացրել է իր ինստագրամյան էջում՝ հրապարակելով նոր ստեղծագործությունը պատկերող տեսանյութը:

Հրապարակված կադրերում երևում է, թե ինչպես է անօթևան տղամարդը պատրաստվում գիշերել փողոցի եզրին դրված նստարանին: Իսկ նստարանի հետևի պատին երևում է երկու արծաթագույն եղջերուների պատկերը, որոնք ասես սլանում են աստղազարդ երկնքով՝ հետևից տանելով սահնակ-նստարանը:

«Աստված, օրհնիր Բիրմինգհեմը»,- տեսանյութին կից գրել է Բենքսին:

Ինչպես հայտնի է, իր աշխատանքներում Բենքսին անդրադառնում է սոցիալական անհավասարության և իշխանությունների քաղաքականության հետևանքով առաջացող խնդիրներին:   

 

 

 

View this post on Instagram

. God bless Birmingham. In the 20 minutes we filmed Ryan on this bench passers-by gave him a hot drink, two chocolate bars and a lighter - without him ever asking for anything.

A post shared by Banksy (@banksy) on Dec 9, 2019 at 5:15am PST