Last Christmas երգի տեսահոլովակը վերաթողարկվել է 4K լուծաչափով (տեսանյութ)

Sony ընկերությունը թողարկել է բրիտանական Wham! դուետի Last Christmas երգի տեսահոլովակի նորացված տարբերակը՝ երգի թողարկման 35-ամյակի և մոտալուտ Սուրբ Ծննդյան տոնի կապակցությամբ, հաղորդում է The Verge-ը:

Դուետի Last Christmas երգը թողարկել է Epic Records ընկերությունը: Երգը դարձել է Սուրբ Ծննդյան տոնի խորհրդանիշներից մեկը և հետագայում ընդգրկվել Music from the Edge of Heaven ալբոմում:

35 տարի անց Sony Music Entertainment ստուդիան թողարկել է Wham-ի երգի տեսահոլովակի նորացված տարբերակը: Այժմ այն կարելի է դիտել 4K լուծաչափով:

Նշվում է, որ տեսահոլովակի բարելավված տարբերակն այնքան իրական է, որ «թվում է, թե Sony-ն դերասաններ է վարձել և նրանց 1980-ականների կոստյումներ է հագցրել», գրում է աղբյուրը:

Սինգլը վաճառվել է ավելի քան մեկ միլիոն օրինակով (վաճառքի մեկնարկին) և դարձել Է Մեծ Բրիտանիայի հիթ-շքերթների պատմության մեջ ամենավաճառվող սինգլը, որը չի հասել առաջին հորիզոնականին:

Ջորջ Մայքլի և Էնդրյու Ռիջլիի երաժշտական դուետը ստեղծվել է 1980-ական թվականներին: Խումբը համարվում էր իր ժամանակների ամենահաջողված խմբերից մեկը՝ ամբողջ աշխարհում վաճառելով ավելի քան 30 մլն սկավառակ: