Ռասել Քրոուն նոր ֆիլմում կմարմնավորի բրիտանացի հայտնի շեֆ-խոհարար Մարկո Պիերին (լուսանկարներ)

2004-2009 թվականներին հեռարձակվող Hell’s Kitchen հեռուստատեսային հաղորդման խոհարար և հաղորդավար Մարկո Պիեր Ուայթը հայտնել է, որ հոլիվուդյան դերասան Ռասել Քրոուն կգրի իր մասին պատմող ֆիլմի սցենարը, կլինի ֆիլմի ռեժիսորը, ինչպես նաև հանդես կգա իր դերում, գրում է Daily Mail-ը:

Նախագծի աշխատանքները սկսվել են հինգ տարի առաջ: Սկզբում ենթադրվում էր, որ ռեժիսորը կլինի Ռիդլի Սքոթը, իսկ գլխավոր դերում հանդես կգա Մայքլ Ֆասբենդերը կամ Թոմ Հարդին:

Աղբյուրի հետ զրույցում Մարկո Պիերն ասել է. «Եթե Հոլիվուդում կա մեկը, որ կարող է խաղալ իմ դերը, դա պետք է Ռասելը լինի»:

Մարկո Պիերը հայտնել է նաև, որ Քրոուի հետ ծանոթությունից հետո մտերմացել է նրա հետ. «Ու այդ ժամանակ մտածեցի, որ իմ դերը պետք է խաղա ոչ թե Մայքլ Ֆասբենդերը, այլ հենց Ռասել Քրոուն»:

Պիեր Ուայթը հայտնի է դարձել 1990-ականներին, երբ 24 տարեկանում դարձել է Harveys ռեստորանի գլխավոր խոհարարը։