Եղանակն՝ այսօր
Մայքլ Ջեքսոնի երկրպագուները նրա նմանակին խնդրել են ԴՆԹ հետազոտություն անցնել
Մայքլ Ջեքսոնի երկրպագուները խնդրել են, որ նրա նմանակը՝ Սերխիո Կորտեսը ԴՆԹ հետազոտություն անցնի, քանի որ կարծում են, որ նա կարող է լինել իրական փոփ-արքան:
Ինչպես հայտնում է РИА Новости-ն՝ հղում անելով բրիտանական Mirror պարբերականին, երկրպագուները սկսել են նման խնդրանքներով հանդես գալ այն ժամանակ, երբ Կորտեսը իր մասնակցությամբ ինստագրամյան տեսանյութ է հրապարակել, որում տեղեկացնում էր Թաիլանդում սպասվելիք իր համերգի մասին:
Օգտատերերին ավելի շատ հետաքրքրել է նրա արտաքինը, քանի որ նա շատ նման է 2009 թվականին կյանքից հեռացած Մայքլ Ջեքսոնին:
«Ինձ թվաց, որ Մայքլ Ջեքսոնն է նայում: Դու նրա նման ես»,- գրել է օգտատերերից մեկը:
«Չէ որ սա Մայքլ Ջեքսոնն է»,- գրել է մեկ ուրիշը: Երրորդն էլ կարծիք է հայտնել, որ Կորտեսը, հավանաբար, միակ մարդն է, որն այդքան նման է Ջեքսոնին:
Իհարկե, նկատվել են նաև տարբերությունները. Կորտեսն իսպանական շեշտադրությամբ է խոսում և փոփ-արքայից բավականին երիտասարդ է երևում:
Studio One