Պարոն Ավինյան, Երևանի խնդիրները լուծելու համար, ավելի հեշտ չի՞ լինի ձեզ փոխարինել արհեստական բանականությամբ. Պեդրո Զարոկյան

Պարոն Ավինյան, Երևանի խնդիրները լուծելու համար՝ չեք կարծում, որ ավելի հեշտ կլինի միանգամից ձեզ փոխարինել արհեստական բանականությամբ: Այս մասին Երևանի ավագանու նիստի ժամանակ ասել է ավագանու ընդդիմադիր անդամ Պեդրո Զարոկյանը՝ դիմելով Տիգրան Ավինյանին:

«Որպես օդի աղտոտման լուծում դուք առաջարկեցիք արհեստական բանականությամբ կանխատեսումներ անել և մշակել գործողություններ: Նույնը Երևանի խցանման խնդիրները լուծելու համար դուք առաջարկեցիք ներդնել արհեստական բանականությամբ լուսացույցներ»,- նշել է նա:

Ի պատասխան Ավինյանը ասել է.

«Ձեզ որ արհեստական բանականությամբ փոխարինենք, միանշանակ ավելի մեծ արդյունքներ կունենանք»: