Van Cleef & Arpels-ը ներկայացրել է «Midnight Jour Nuit Phase de Lune» նոր ժամացույցը՝ ոգեշնչված երկնային մարմիններով

Ժամանակի ընթացքը յուրահատուկ, գրեթե տիեզերական փորձառության վերածելու համար Van Cleef & Arpels-ը ներկայացրել է «Midnight Jour Nuit Phase de Lune» նոր ժամացույցը՝ ոգեշնչված երկնային մարմիններով։

Ժամացույցն ունի երկու բարդ մեխանիզմ․ մեկը պատկերում է օրվա և գիշերվա հերթափոխը, իսկ մյուսը՝ Լուսնի ընթացիկ փուլը։ Թվատախտակի վրա փայլուն արևը շարժվում է՝ տեղը զիջելով մարգարտյա լուսնին։ Այսպիսով՝ ժամացույցն արտացոլում է ցերեկվա անցումը գիշերվա՝ ժամանակի ընթացքը ներկայացնելով երկնային մարմինների շարժման միջոցով։