Եղանակն՝ այսօր
Ադրբեջանի տարածքում 1800 տարվա վաղեմության զրադաշտական գերեզմաններ են հայտնաբերվել
Ադրբեջանի հարավային Ջալալաբադ շրջանի Սեիդբազար բնակավայրում հնագետները կրակապաշտության ժամանակաշրջանի գերեզմաններ են հայտնաբերել:
Հայտնաբերված 5 գերեզմաններում գտնվել են կերամիկական իրեր` արևի, երկնքի և այլ պատկերներով, որոնք վկայում են այն մասին, որ գտածոները զրադաշտության ժամանակաշրջանի են. տեղեկացնում է «Ինտերֆաքս» գործակալությունը:
Գերեզմաններն ունեն արկղի տեսք և թվագրվում են 3-5 դարերով: Այսինքն նրանց տարիքը կարող է կազմել շուրջ 1800 տարի:
Չնայած այն հանգամանքին, որ ավելի վաղ այդ տարածքներում արդեն այդ ժամանակաշրջանին պատկանող բնակավայրեր և մշակութային կոթողներ էին հայտնաբերվել, սակայն գերեզմաններ հայտնաբերվում են առաջին անգամ:
Հայտնաբերված գերեզմանները հնագետների համար լույս կսփռեն զրադաշտության շրջանի պատմության դեռևս մութ էջերի վրա:
Studio One